Një grup i sofistikuar i hakerëve, i mbështetur nga një qeveri e huaj, ka vjedhur informacione nga Departamenti i Thesarit i SHBA-së dhe nga një agjenci e SHBA-së përgjegjëse për vendosje të politikave rreth internetit dhe telekomunikacionit, kanë njoftuar burime të afërta me ngjarjen, raporton agjencia Reuters.
“Qeveria e SHBA-së është e vetëdijshme për këto raportime dhe po marrim gjitha hapat e nevojshëm për të identifikuar dhe të rregulluar çdo çështje të lidhur me këtë situatë”, ka thënë John Ullyot, zëdhënës i Këshillit Nacional të Sigurisë.
Ka shqetësime brenda komunitetit të inteligjencës së SHBA-së se hakerët që kanë shënjestruar Departamentin e Thesarit dhe atë të Telekomunikacionit e Administrimit të Informacionit, kanë përdorur metoda të ngjashme për të siguruar çasje në të dhënat edhe të agjencive tjera qeveritare, kanë thënë tre persona të informuar me këtë çështje.
Kjo çështje është aq serioze sa ka shtyrë Këshillin Nacional të Sigurisë të takohet të shtunën në Shtëpinë e Bardhë, ka thënë një burim për Reutersin.
-
Zyrtarët amerikanë parashikojnë “fushatë të egër” nga hakerët
-
Sulm kibernetik ndaj Thesarit në SHBA, dyshohet se është kryer nga hakerët kinezë
-
Alarmohet Trumpi, hakerët kinezë mund t’i kenë vjedhur të dhëna nga telefoni
-
Microsoft: Hakerët rusë po tentojnë të hyjnë brenda sistemit të sigurisë kombëtare të SHBA-së
-
Hakerët kinezë vodhën 60 mijë emaile nga Departamenti Amerikan i Shtetit