I dërguari special i Shteteve të Bashkuara të Amerikës për dialogun Kosovë – Serbi, Richard Grenell, i ka uruar Ditën e Veteranëve një krimineli të luftës në Amerikë. Kjo pasi është mashtruar nga gazetari Ken Klippenstein.
“Zotëri, gjyshi im është fans i madh i juaji, këtu është si një lejtënant i ri ushtrie”, ka shkruar Klippenstein në Twitter. “Nëse mundeni bëjeni një urim për ta disponuar! #HappyVeteransDay2020”.
Në mesazhin privat, Klippenstein i kishte konfirmuar Grenellit se emri i “gjyshit” të tij është Bill Calley. Grenelli menjëherë postoi fotografinë në Twitter duke shkruar “Faleminderit për shërbimin, Bill Calley!”
Bill Calley, në fakt, është oficer i ushtrisë nga Lufta e Vietnamit, që ishte dënuar për rolin e tij në masakrën në My Lai, ku u torturuan dhe u vranë 500 burra, gra e fëmijë të paarmatosur.
Happy Veterans Day! pic.twitter.com/cotDkDUGs6
— Ken Klippenstein (@kenklippenstein) November 11, 2020