Vendimi i gjykatës për t’i lejuar qasje prokurorit të New Yorkut, Cyrus Vance, në të dhënat tatimore të ish-presidentit amerikan, do të thotë se hetimi i jurisë së madhe për pagesat e pretenduara të fshehta dhe çështjet e tjera financiare nuk do të mund të pengohen më nga lufta e Trumpit për mbajtjen larg të sekreteve nga prokurorët shtetërorë
Gjykata Supreme i ka hapur rrugën një prokurori të New Yorkut për të siguruar qasje në të dhënat tatimore të ish-presidentit Donald Trump, duke i dhënë goditje të ashpër betejës së republikanit për t’i mbajtur fshehur dokumentet financiare.
Dokumentet tani do t’i dorëzohen një jurie të madhe të rregullave të fshehtësisë, që e kufizon publikimin e tyre.
Vendimi përbën një disfatë të hidhur për Trumpin, ani pse të dhënat e tij tatimore mbrohen nga publikimi, pasi ai ka argumentuar vazhdimisht se thirrja për dëshmim, e lëshuar nga prokurori i gjykatës së Manhattanit, Cyrus Vance, është e tepruar dhe dashakeqe. Kjo do të thotë se hetimi i jurisë së madhe për pagesat e pretenduara të fshehta dhe çështjet e tjera financiare nuk do të mund të pengohen më nga lufta e Trumpit për mbajtjen larg të sekreteve nga prokurorët shtetërorë.
Vendimi është miratuar pa ndonjë koment apo pakënaqësi të theksuar.
Vance e përshëndeti vendimin, duke thënë në një postim në Twitter se “puna vazhdon”.
Edhe
Prokurorët nisin “gërmimin” në të dhënat tatimore të Trumpit
Masa përfshin dokumentet nga janari i 2011-s deri në gusht të 2019-s, ndërsa në cak janë kthimet e tij tatimore. Dokumentet gjithashtu ngërthejnë punësimin në “Trump Organization” të ish-avokatit të Trumpit, Michael Cohen, si dhe pagesat sekrete që Coheni pretendohet t’u ketë bërë dy grave, të cilat kanë raportuar të kenë pasur marrëdhënie jashtëmartesore me ish-presidentin.
Ndonëse avokatët personalë të Trumpit mund ta vazhdojnë betejën për apelimin e rastit, vetë fakti se dokumentet do të hapen nga kompania e kontabilitetit e Trumpit, “Mazars”, i jep faktikisht fund kontestit.
Nëpërmjet një deklaratë ish-presidenti ka thënë se hetimi i Vances “është vazhdimësi e gjahut më të madh politik të shtrigave në historinë e vendit”.
“Gjykata Supreme kurrë nuk do të duhej të lejonte që kjo ‘ekspeditë e peshkimit’ të ndodhte, por e lejuan”, ka shtuar ai.
“Mazars”, në një komunikatë, ka thënë se është “e përkushtuar në përmbushjen e obligimeve profesionale dhe ligjore”.
Korrikun e shkuar Gjykata Supreme, duke votuar 7 me 2, ka hedhur poshtë pretendimet e Trumpit për imunitet nga thirrjet ligjore për hapjen e dosjeve tatimore. Gjykatësit e rikthyen rastin në gjykatën më të ulët, në mënyrë që presidenti të mund t’i bënte kundërshtimet lidhur me thirrjen.
Në tetor një gjykatë federale e Apelit ka bërë të ditur se “këto janë dokumente relevante për hetimin e jurisë së madhe rreth keqbërjeve të mundshme financiare apo të korporatës”.
Edhe
Gjykata Supreme e lejon qasjen në të dhënat tatimore të Trumpit
Avokatët personalë të Trumpit më pas e çuan rastin sërish në Gjykatën Supreme, duke i nxitur gjykatësit që ta lënë pezull vendimin e gjykatës më të ulët derisa gjykatësit ta shqyrtojnë apelin.
“Thirrja për hapjen e të dhënave është gjeografikisht zvarritëse, e kushtueshme në aspektin e kohës dhe faktikisht e pakufizuar – që të gjitha këto i ngrenë dyshimet për një ekspeditë të paligjshme peshkimi”, ka shkruar avokati William Consovoy. \ AP
