Gjykata më e lartë civile dhe penale e Gjermanisë ka njoftuar se heqja e prezervativit gjatë marrëdhënieve seksuale pa pëlqimin e personit tjetër tani mund të konsiderohet ligjërisht si ngacmim seksual, ka thënë një zëdhënës i gjykatës, shkruan “MDR”.
Është hera e parë që Gjykata Federale e Drejtësisë (BGH) merret me temën e një shkeljeje të tillë seksuale.
Vendimi i gjykatës bazohet në një rishikim të një çështjeje të trajtuar më parë nga gjykata rajonale në Dusseldorf në Gjermaninë veriperëndimore, e cila kishte të bënte me një marrëdhënie seksuale midis një gruaje dhe një specialisti IT.
Burri nxori prezervativin nga pakoja në dhomën e tij të gjumit dhe bëri sikur e vendosi. Gruaja nuk e pa që ai nuk kishte vendosur fare mbrojtjen.
Në gjyq, ajo ka thënë se nuk do të bënte kurrë seks të pambrojtur, kështu që gjykata konstatoi se ka pasur marrëdhënie seksuale pa pëlqim.
Gjykata Federale e Drejtësisë vendosi se gjykata rajonale kishte të drejtë ta trajtonte çështjen si ngacmim seksual.
Zëdhënësi shtoi se gjykata rajonale mund ta kishte dënuar burrin edhe për përdhunim, jo për sulm seksual.
