Një trup i paidentifikuar është gjetur në vendin ku po kërkohej blogerja amerikane 22-vjeçare, Gabby Petito, e cila ishte zhdukur gjatë një udhëtimi që po realizonte me të fejuarin e saj, Brian Laundrie.
Lajmin për gjetjen e një trupi afër një parku, ku edhe ishte parë për herë të fundit Petito, është dhënë nga Fox News të dielën, duke cituar një mjek ligjor.
Petito ishte gati në përfundim të aventurës me furgon, me të fejuarin e saj Laundrie, kur edhe është zhdukur.
Luandrie kishte ngritur spekulime për përfshirje në zhdukjen e të fejuarës, pasi më 1 shtator, ishte kthyer në shtëpinë e tij në Florida pa të.
Sipas policisë, ai kishte refuzuar të fliste me hetuesit lidhur me zhdukjen e Petitos. Ndërkaq, që nga insistimi i hetuesve, Laundrie është zhdukur po ashtu.
