Francezët do të votojnë të dielën në balotazh për t’u përcaktuar nëse duan t’i japin Emmanuel Macronit një mandat të tjetër pesëvjeçar, apo ta zëvendësojnë atë me kandidaten e ekstremit të djathtë, Marine Le Pen, raporton BBC.
Në sondazhe Macron shihet favorit për të fituar edhe një mandat.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoPër të arritur të dy garuesit duhet të sigurojnë përkrahjen e votuesve të kandidatëve tjerë që ishin në raundin e parë.
Përballë për postin e presidentit të Francës janë dy figura krejt të ndryshme.
Macroni nga kritikuesit e tij cilësohet si arrogant dhe president i të pasurve, ndërsa liderja e krahut ekstrem të djathtë, Le Pen, akuzohet për lidhje të ngushta me presidentin e Rusisë, Vladimir Putin.
Macron kishte marrë pushtetin me premtimet për ndryshime të mëdha, por shumë ankohen se ato ndryshime ende nuk i kanë parë. Mandati i tij si president është karakterizuar me protesta, pandeminë COVID-19 dhe tash me rritjen e kostos së jetesës.
Le Pen ndërkohë ka mësuar nga gabimet që kishte bërë në vitin 2017, kur ishte mposhtur nga Macron në balotazh.
Është hera e tretë që Le Pen po garon për postin e presidentes së Francës dhe nëse dështon të fitojë mund të jetë hera e fundit.
E panjohura më e madhe në këto zgjedhje është se sa votues do të refuzojnë të përkrahin kandidatët, duke mos dalur fare në zgjedhje apo duke e dorëzuar të pa plotësuar fletëvotimin.
Shumica e Francës është në pushime dhe dalja mund të jetë shumë e ulët.
Fushata ka qenë e shkurtër por zgjedhja e votuesve është e qartë, mes një presidenti që cilësohet pro-evropian dhe një kandidate nacionaliste që synon të ndalojë shamitë dhe të kufizojë imigrimin.
Qendrat e votimit janë hapur në ora 8:00 dhe do të qëndrojnë të hapura për 12 orë.