Një foshnje pesë-ditëshe, që ishte shpëtuar nga një kanal në qytetin në Indi, Mumbai, ku ishte lënë të vdiste, është duke e rimarrë veten në spital lokal.
Mjekët në spitalin Rajawadi kanë thënë për BBC-në se foshnja është duke u përmirësuar dhe se shëndeti i saj po monitorohet.
Policia tha se banorët e gjetën foshnjën pasi disa mace u mblodhën në një vend përgjatë rrugës dhe filluan të bënin zhurmë.
Zyrtarët po hetojnë se si foshnja ka përfunduar në kanal.
Policia nuk ka spekuluar mbi motivet e mundshme, por braktisjet e ngjashme në të kaluarën i janë referuar preferencës në Indi për djemtë. Gratë shpesh diskriminohen, dhe vajzat shihen si barrë financiare, veçanërisht në mesin e komuniteteve të varfëra.
Foshnja u shpëtua nga një ekip policor i udhëhequr nga gratë nga një lagje periferike në Mumbai të dielën.
Edhe
Foshnja gjendet e gjallë në një kuti druri që notonte në një lum të Indisë
Pasi e nxorën foshnjën e mbështollën dhe e çuan në spital.
“Kur e nxorëm foshnjën jashtë, ajo po ngrinte, krahët e saj ishin bërë të kaltër. Ne kërkuam pak ujë të ngrohtë dhe leckë për ta pastruar foshnjën”, tha Sheetal Sonawane nga Policia e Mumbait.
Mjekët në spitalin Rajawadi thonë se foshnja është në gjendje stabile.
-
10 foshnja të vdekura nga zjarri në një spital në Indi
-
Foshnja e gjetur në Londër në janar, motër me dy foshnjat e tjera të braktisura më herët
-
Zjarr në një spital në Delhi, vdiqën të paktën gjashtë foshnja të porsalindura
-
Foshnja e porsalindur gjendet e mbështjellë me peshqir në një park të Londrës