Forcat ukrainase rimarrin 20% të Severodonetskut, sipas shefit të Luhanskut

Forcat ukrainase kanë rimarrë rreth 20% të territorit që humbën në qytetin e Severodonetskut, thotë kreu i rajonit lindor të Luhanskut.

“Ndërsa më parë situata ishte e vështirë, përqindja [e mbajtur nga Rusia] ishte diku rreth 70%, tani ne i kemi shtyrë tashmë me rreth 20%”, ka thënë Serhiy Haidai për televizionin kombëtar.

Forcat ruse janë ende të përqendruara në qytet, thanë forcat e armatosura të Ukrainës në një postim në Facebook.

Severodonetsku është strategjikisht jetik pasi nëse e marrin forcat ruse do të thotë se ata kontrollojnë pothuajse të gjithë Luhanskun.

Rajoni i Donbasit përbëhet nga Luhansku dhe Donetsku. Disa besojnë se presidenti Vladimir Putin mund të shpallë fitoren në luftë nëse forcat ruse marrin kontrollin e Donbasit.