Finlanda nënshkruan marrëveshje bashkëpunimi me Ukrainën, i dërgon 200 mln euro ndihma

Ukraina ka nënshkruar një memorandum të ri për të forcuar bashkëpunimin në fushën e mbrojtjes me Finlandën, që përfshin ndarje të informatave inteligjente, prodhim të municionit dhe projekte të përbashkëta të mbrojtjes, shkruan The Guardian.

Ministri i Mbrojtjes së Finlandës të enjten ka thënë se marrëveshja bazohet në mbështetjen që Finlanda i ka dhënë Ukrainës në tre vjetët e fundit.

“Ky memorandum është tregues se ne duam të zgjerojmë dhe të thellojmë këtë bashkëpunim, për të mirën e të dy vendeve”, ka thënë ai.

Finlanda gjithashtu ka njoftuar për një pako të re të ndihmës ushtarake në vlerë prej 200 milionë eurove drejt Ukrainës, e cila do të rrisë vlerën totale të ndihmës së vendit në 3.3 miliardë euro.