Afro 90 mijë njerëz janë urdhëruar të largohen nga shtëpitë e tyre dhe vendet e punës në dy qytete gjermane, për shkak të bombave të paeksploduara nga periudha e Luftës së Dytë Botërore, që ishin zbuluar gjatë punëve ndërtimore.
Më se 21 mijë njerëz që jetojnë në rrezen prej një kilometri në qytetin perëndimor Koblenc, dje janë urdhëruar të largohen nga kjo hapësirë, ku specialistët e deaktivizuan një bombë 500 kilogramëshe të Shteteve të Bashkuara, transmeton REL.
Banorët u lejuan të kthehen më vonë gjatë ditës së djeshme.
Nga ana tjetër, 70 mijë banorë duhet të largohen në distancën prej 1.5 kilometri në qytetin Frankfurt në Gjermani, ku autoritetet për sot planifikojnë ta shkatërrojnë një bombë, e cila ishte hedhur nga Forca Ajrore Britanike gjatë Luftës së Dytë Botërore, që është tri herë më e madhe se ajo në Koblenc.
Operacioni në qytetin Frankfurt është përshkruar si operacioni më i madh i tillë në Gjermani, prej përfundimit të Luftës së Dytë Botërore.
-
Mijëra njerëz evakuohen në Koln të Gjermanisë shkaku i bombës së Luftës së Dytë Botërore
-
Rreth 18 mijë banorë të Gjermanisë evakuohen për shkak të bombës nga Lufta e Dytë Botërore
-
Bombë e Luftës së Dytë Botërore në Berlin, pritet evakuim i popullatës
-
Deaktivizimi i bombave, evakuohen mijëra njerëz në Gjermani
-
Në Gjermani evakuohen 8.000 njerëz për shkak të bombës