Presidenti i Turqisë Tayyip Erdogan ka sulmuar presidentin francez Emmanuel Macron të shtunën, duke i thënë se ai ka nevojë një trajtim mendor pas qëndrimeve të tij ndaj myslimanëve dhe islamit.
Në fillim të muajit, Macroni kishte deklaruar se do të luftojë “separatistët islamikë”, që sipas tij po kërcënonin të merrnin nën kontroll disa komunitete myslimane në Francë.
Franca është tronditur nga vrasja e një mësuesi nga një person, për shkak se gjatë një ligjërate mësuesi u kishte treguar nxënësve karikatura të profetit Muhamed.
“Cili është problemi i këtij personi i quajtur Macron me myslimanët dhe islamin? Macronit i nevojitet trajtim në nivelin e tij mendor”, ka thënë Erdogan gjatë një fjalimi në Kayseri të Turqisë, raporton Reuters.
“Çfarë mund të thuhet më shumë për kreun e një shteti i cili nuk e kupton lirinë e besimit dhe i cili vepron në këtë mënyrë për miliona njerëz që jetojnë në shtetin e tij, anëtarë të besimeve të ndryshme”, ka shtuar Erdogani.
-
Franca fton për konsultim ambasadorin nga Turqia pasi Erdogani vë në pyetje shëndetin mendor të Macronit
-
Erdogan: Macroni dëshiron “të lajë hesape” me myslimanët
-
Erdogan kërkon që Franca ta heqë qafe “barrën Macron”
-
Islami është në krizë, por Franca po e vështirëson zgjidhjen
-
Franca i kërkon Turqisë të mos polemizojë për karikaturat