Të paktën dy persona kanë vdekur pas një përplasjeje në ajër mes dy avionëve të vegjël mbi një aeroport në Kaliforni të SHBA-së, thonë zyrtarët.
Një aeroplan me helikë Cessna 340 me dy motorë me dy persona në bord, dhe një Cessna 152 me një motor që mbante vetëm pilotin e tij, po përpiqeshin të uleshin në një aeroport në Watsonville, sipas Administratës Federale të Aviacionit (FAA), raportoi Metro.
Të dy po bënin një afrim përfundimtar drejt asfaltit kur u përplasën, shtoi autoriteti.
Sipas dëshmitarëve të rastit, aeroplani më i madh papritmas goditi krahun e aeroplanit më të vogël, i cili u rrëzua.
Aeroplani më i madh vazhdoi të fluturonte, por dukej se ishte përfshirë nga flakët, tha dëshmitari.
Aeroporti, i cili është në pronësi të qytetit, nuk ka një kullë kontrolli për të drejtuar pilotët.
Askush në tokë nuk u lëndua dhe nuk ka indikacione të hershme nëse personi i tretë i përfshirë në përplasje mbijetoi.