Artemi dhe gjyshja e tij kanë jetuar pa gaz, ujë ose energji elektrike për afro tri javë, që kur sulmet me raketa ruse ndërprenë shërbimet në qytetin e tyre në rajonin lindor të Ukrainës, Kharkiv. Për ta dhe për ata pak banorë të tjerë që kanë mbetur në kompleksin në Kivsharivka, grumbullimi gjatë natës dhe gatimi në natyrë janë e vetmja mënyrë për të mbijetuar
Nëntëvjeçari Artem Panchenko ndihmon gjyshen të ndezë zjarr në kuzhinën e improvizuar në natyrë, pranë bllokut të tyre pothuajse të braktisur të apartamenteve. Muzgu po bie shpejt dhe ata duhet të hanë para se dielli të perëndojë, derisa në shtëpinë e tyre sundon i ftohti dhe errësira.
Dimri po vjen. Ata mund ta ndiejnë atë në kockat e tyre ndërsa temperaturat bien nën zero. Dhe si dhjetëra mijëra ukrainas të tjerë, ata po përballen me një sezon që premton të jetë brutal.
Artemi dhe gjyshja e tij kanë jetuar pa gaz, ujë ose energji elektrike për afro tri javë, që kur sulmet me raketa ruse ndërprenë shërbimet në qytetin e tyre në rajonin lindor të Ukrainës, Kharkiv. Për ta dhe për ata pak banorë të tjerë që kanë mbetur në kompleksin në Kivsharivka, grumbullimi gjatë natës dhe gatimi në natyrë janë e vetmja mënyrë për të mbijetuar.
Të flesh me rroba
“Është ftohtë dhe ka bombardime”, tha Artemi të dielën teksa ndihmonte gjyshen e tij me gatimin. “Është vërtet ftohtë. Unë jam duke fjetur me rroba në apartamentin tonë”.
Edhe
Banorët e kryeqytetit ukrainas përballen me sulmet ruse e dimrin e pamëshirshëm
Sulmet e tjera ruse të hënën dhe të martën në Kiev, kryeqytet, dhe në disa qytete të tjera të Ukrainës nga dronët dhe raketat që synonin termocentralet kanë shtuar ndjenjën e përgjithshme të parandjenjës për dimrin e ardhshëm.
Me fillimin e acarit, ata që nuk kanë ikur nga luftimet e rënda, bombardimet e rregullta dhe muajt e tërë të pushtimit rus në Ukrainën lindore, po përpiqen dëshpërimisht të kuptojnë se si të kalojnë muajt e ftohtë.
Në fshatin e afërt Kurylivka, Viktor Palyanitsa shtyn një karrocë dore plot me trungje të sapoprera përgjatë rrugës drejt shtëpisë së tij. Ai kalon një tank të shkatërruar, mbetjet e ndërtesave të dëmtuara dhe vendin e një kishe prej druri 300-vjeçare, që u shkatërrua ndërsa forcat ukrainase luftuan për të çliruar zonën nga pushtuesit rusë.
Palyanitsa, 37 vjeç, tha se ka mbledhur dru të mjaftueshme për të kaluar gjithë dimrin. Megjithatë, ai planifikon të fillojë të flejë pranë një sobe me dru në një ndërtesë të rrënuar dhe jo në shtëpinë e tij, pasi të gjitha dritaret shtëpisë së tij janë hedhur në erë nga copëzat fluturuese të bombave.
“Nuk është komode. Ne shpenzojmë shumë kohë për të mbledhur dru. Ju mund ta shihni situatën në të cilën po jetojmë", tha Palyanitsa, duke nënvlerësuar në heshtje perspektivën e tmerrshme për muajt e ardhshëm.
Autoritetet po punojnë për të rikthyer gradualisht energjinë elektrike në zonë në ditët në vijim dhe riparimet në infrastrukturën e ujit dhe gazit do të vijnë më pas, sipas Roman Semenukha, deputet në qeverinë rajonale të Kharkivit.
"Vetëm pas kësaj do të jemi në gjendje të fillojmë të rivendosim ngrohjen", tha ai.
Lufta për dru
Autoritetet po punojnë për të siguruar dru zjarri për banorët, shtoi ai, por nuk kanë një afat kohor se kur do të restaurohen shërbimet.
Duke qëndruar pranë grumbullit të tij të drurëve të ndarë, Palyanitsa nuk pret ndihmën e Qeverisë. Ai tha se nuk pret që ngrohja të rikthehet së shpejti, por se ndihet i gatshëm të kujdeset për veten e tij edhe pasi të ketë hyrë dimri.
Edhe
A po dështojnë sulmet e Putinit ndaj energjisë elektrike në Ukrainë
“Unë kam krahë dhe këmbë. Kështu që nuk kam frikë nga i ftohti, sepse mund të gjej dru dhe ta ngroh sobën”, tha ai.
Autoritetet në zonat e kontrolluara nga Ukraina të rajonit fqinj, të kontestuar ashpër të Donetskut, u kanë kërkuar të gjithë banorëve të mbetur të evakuohen dhe kanë paralajmëruar se shërbimet e gazit dhe ujit në shumë zona ka të ngjarë të mos rikthehen deri në dimër. Ashtu si në rajonin e Kharkivit, ukrainasit e zakonshëm ende jetojnë në mijëra shtëpi që janë shkatërruar nga sulmet ruse, me çati që rrjedhin ose janë të dëmtuara dhe dritare që nuk janë në gjendje të ofrojnë mbrojtje kundër motit të ftohtë ose të lagësht.
Kërcënimi i një dimri pa ngrohje është përhapur edhe në zona të tjera të Ukrainës larg vijës së frontit.
Presidenti rus, Vladimir Putin, i zemëruar dhe i zënë ngushtë nga një sulm ukrainas në një urë kyç për në Krimenë e aneksuar, ka intensifikuar fushatën e bombardimeve të Rusisë, duke synuar infrastrukturën civile të energjisë rreth Ukrainës dhe duke lënë shumë qytete dhe qyteza pa energji elektrike. Sulmet e së hënës goditën Kievin, Sumin në verilindje dhe Vinnytsianin në Ukrainën perëndimore.
Me kaq shumë qytete të zonës të shkatërruara, përpjekjet për mbijetesë i mposht çdo shqetësim për ruajtjen e asaj që ishte më parë. Pa shërbimet komunale, shtëpitë janë bërë si streha rudimentare nga epoka mesjetare ku banorët jetojnë nën dritën e qirinjve, mbledhin ujë nga puset dhe grumbullohen për të shmangur të ftohtin.
Strukturat e improvizuara të animuara mbulojnë oborret e mbipopulluara të kompleksit të tyre të apartamenteve, ku banorët mblidhen për të gatuar mbi zjarre. Një grua mblodhi copëza druri nga një apartament në katin përdhes që u shkatërrua nga një sulm me raketë ruse. Një tjetër banor tha me shaka se shtëpia e tij ishte bërë një apartament me pesë dhoma pasi një nga muret e saj të jashtme u shemb.
Anton Sevrukov, 47 vjeç, theu bukën dhe ngrohi një kazan me ujë mbi një zjarr për t'i çuar çaj nënës së tij me aftësi të kufizuara.
“Tani është vërtet ftohtë. Nëse nuk do të ishte djali im, do të ngrija”, tha ajo.
Sevrukov tha se ai i kishte kërkuar një miku nga Kharkivi, kryeqyteti rajonal, t'ia blinte atij një ngrohëse elektrike - vetëm në rast se energjia rikthehet. Është pothuajse e tepërt të mendosh edhe për privimin që mund të presë.
Edhe
Ukrainasit po i pret terri dhe i ftohti shumë i madh, shkaku i Rusisë
“Shpresoj se së shpejti do të kemi energji elektrike, që të mund ta përballojmë disi këtë dimër”, tha ai.
Përktheu: Forca Jashari
