Tre policë kanë mbetur të lënduar në përleshjet që shpërthyen gjatë orëve të vonshme të së martës, me rastin e protestës së mbajtur në kryeqytetin grek kundër brutalitetit policor.
Njëri nga policët ka pësuar lëndime të rënda, ndërsa policia ka bërë të ditur se ai është tërhequr nga motoçikleta e tij dhe është rrahur nga protestuesit.
Rreth 5000 persona kanë vërshuar rrugët e Athinës, në reagim ndaj një videoxhirimi, në të cilin pasqyrohet rrahja e një burri në distriktin Nea Smyrni.
Protestuesit u mblodhën pikërisht në zonën e banimi ku është xhiruar videoja, duke bartur me pankarte në të cilat shkruhej: “Policët le të largohen nga lagjet tona”.
Një grup tjetër i protestuesve me maska kanë hedhur bombola benzine dhe gurë në drejtim të policëve, si dhe një stacioni të policisë. Policia është kundërpërgjigjur, duke përdorur ndaj tyre gaz lotsjellës dhe topa uji.
Të paktën 10 protestues janë arrestuar. Kryeministri grek, Kyriakos Mitsotakis, e ka dënuar ashpër dhunën e së martës.
-
Dhjetëra të arrestuar e të lënduar nga protestat në Greqi
-
Tensione në protestën në Shqipëri para seancës së Kuvendit, lëndohen dy policë
-
Protestuesit gjuajnë me gurë policët në Shqipëri, nëntë të plagosur e 20 të arrestuar
-
Arrestime në Itali pas protestave të dhunshme
-
Lëndohen 11 policë nga protesta e PD-së në Shqipëri, 18 të arrestuar