Dhoma e Përfaqësuesve miraton projektligjin për taksat dhe shpenzimet, të propozuar nga Trumpi

Dhoma e Përfaqësuesve në Shtetet e Bashkuara të Amerikës ka miratuar projektligjin për taksat dhe shpenzimet. Projektligji i mbështetur dhe i propozuar nga administrata e presidentit Donald Trump, kaloi me një votim 215 pro dhe 214 kundër. 

Ai pritet të miratohet edhe nga Senati, transmeton BBC.

I quajtur nga presidenti si një “projektligj i madh dhe i bukur”, ai do të zgjerojë uljet e taksave nga mandati i parë i Trumpit, do të eliminojë taksat mbi bakshishet dhe do të rrisë shpenzimet për ushtrinë dhe mbrojtjen e kufirit.

Zyra e Buxhetit të Kongresit (ZBK) parashikon se ky projektligj do të shtojë rreth 2.3 trilionë dollarë në borxhin kombëtar të SHBA-së gjatë 10 vjetëve të ardhshme.