Një grup i senatorëve të njohur demokratë në Shtetet e Bashkuara kanë kërkuar që Departamenti i thesarit dhe Zyra e prokurorit të përgjithshëm, të zhvillojnë hetime për dyshimet lidhur me biznesin e presidentit, Donald Trump, në Azerbajxhan, duke thënë se ndoshta i ka shkelur sanksionet amerikane kundër Iranit.
Dianne Feinstein, Ben Cardin dhe Sherrod Brown, këtë kërkesë e kanë bërë sot, duke thënë se shqetësimet e tyre ishin ngritur pas një artikulli në revistën, The New Yorker, me titullin, Marrëveshja më e Keqe e Donald Trumpit, ku përshkruhen lidhjet biznesore të Organizatës Trump me Ministrin e transportit të Azerbajxhanit dhe oligarkun, Ziya Mammadov.
Mammadov është i dyshuar se ka lidhje me Gardën Revolucionare të Iranit, që është nën sanksione të Shteteve të Bashkuara, për shkak të mbështetjes së terrorizmit.
Senatorët kanë theksuar se megjithëqë firma e zotit Trump ishte tërhequr nga marrëveshja e propozur për ndërtimin e një rrokaqielli në kryeqytetin Baku në Azerbajxhan, megjithatë “mbeten pa përgjigje pyetjet serioze për potencialin e Organizatës Trump për përgjegjësi penale”.
Presidenti Trump ka refuzuar ta tërheq vetveten nga interesat biznesor të tij ose që ato të administrohen nga një trupë e pavarur dhe, për dallim nga presidentët dhe kandiatët presidencialë prej viteve të 70-ta, ka refuzuar t’i zbuloj taksat e tij.
-
Trumpi në rrezik financiar e politik shkaku i padisë së mundshme penale
-
Dyshime për mashtrime bankare, Prokuroria e Manhattanit nis hetimet ndaj Trumpit
-
Bizneset e Trumpit në Arabinë Saudite në shënjestër të demokratëve
-
Trumpi e godet Iranin me sanksione të reja
-
Trumpi kërkon hetim mbi lidhjet e Epsteinit me Clintonin dhe me disa banka