Një video rrëqethëse është publikuar ku shihen tre peshkatarë në një skenë direkt teksa luftonin me duar e këmbë me peshkaqenët pasi varka e tyre u fundos në Gjirin e Meksikës.
Burrat - Phong Le, Son Nguyen dhe Luan Nguyen - ishin në luftë për jetën e tyre kur një helikopter i Rojave Bregdetare të SHBA-së u fut për t'i shpëtuar ata, raportoi NYP.
"I shpëtuam në kohën e duhur", thanë nga Rojet Bregdetare ndërsa publikuan videon dramatike të shpëtimit.
Treshja u largua nga Venecia, Luiziana, me varkën e tyre të shtunën dhe filloi të përjetonte probleme me motorin rreth 25 milje larg bregut.
"Anija filloi të mbushej shumë ujë, kështu që u mbyt", tha Luan Nguyen.
Një anëtar i familjes i raportoi ata të zhdukur më vonë të shtunën, duke shkaktuar një kërkim masiv.
Edhe
Burri e tërheq zvarrë për ta futur në det, peshkaqeni e kafshon
Kur ekipet e shpëtimit i gjetën ku ishin, burrat ishin të rrethuar nga peshkaqenë.
Ata u shpëtuan dhe u dërguan në spital për t’u trajtuar për lëndimet që kishin pësuar nga peshkaqenët.
