Çmimet globale të naftës janë rritur ndjeshëm teksa Irani vazhdon sulmet në Lindjen e Mesme, në përgjigje të ofensivës së vazhdueshme nga SHBA-ja dhe Izraeli.
Nafta Brent, u rrit për 10 për qind, duke arritur në mbi 82 dollarë për fuçi të hënën, pasi të paktën tri anije u sulmuan pranë Ngushticës së Hormuzit gjatë fundjavës. Çmimet e gazit natyror u rritën deri në 25 për qind.
Irani paralajmëroi anijet që të mos kalojnë nëpër këtë korridor strategjik detar në jug të vendit, përmes të cilit transportohet rreth 20 për qind e naftës dhe gazit. Sipas analistëve, transporti ndërkombëtar detar në hyrje të Ngushticës së Hormuzit pothuajse ka ndalur, duke shtuar shqetësimet për furnizimin global me energji.
Qendra britanike UK Maritime Trade Operations bëri të ditur se dy anije janë goditur, ndërsa një predhë ka shpërthyer shumë afër një tjetre.
Pas rritjes fillestare, nafta e përpunuar Brent shkoi në rreth 79 dollarë për fuçi, ndërsa nafta e tregtuar në SHBA shënoi rritje prej rreth 7.6%, apo 72.20 dollarë.
Edhe
Rriten edhe më tej çmimet e naftës pas sulmeve SHBA-Iran
Ndërkohë, ari që konsiderohet aset i sigurt në kohë pasigurie u rrit me 2.3%, duke arritur në 5,395.99 dollarë për ons.
Trumpi thotë se “vala e madhe” e sulmeve ndaj Iranit s’ka nisur ende
Washington/Lindje e Mesme (AP/BBC) - Presidenti amerikan, Donald Trump, ka thënë të hënën se SHBA-ja vazhdon...-
Çmimet e naftës rriten me rreth 5% pas sulmeve të fundit të SHBA-së e Iranit
-
Çmimet e naftës rriten pas sekuestrimit të anijeve në Ngushticën e Hormuzit
-
Rriten çmimet e naftës mes shqetësimeve për armëpushim “të brishtë” SHBA–Iran
-
Shtrenjtohet nafta, arrin në mbi 100 dollarë për fuçi për herë të parë pas dy muajsh