WikiLeaks ka freskuat data-bazën e të dhënave të quajtur Vault-7, të cilat kanë rrjedhë nga agjencia amerikane CIA.
Në mesin e të dhënave më të reja ndodhen edhe një sërë detajesh për softuerin, të cilin CIA e ka përdoru që dhjetë vjet për të hakuar çdo router shtëpiak dhe t’i shndërrojë ata në pajisje përgjimi, transmeton kp.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoRouterët në këtë mënyrë mund të mbikëqyrin gjithë qarkullimin e internetit ardhës dhe kthyes të përdoruesve, por edhe të infektojë pajisjet e lidhura me të.
Detajet e reja kanë të bëjnë me projektin CherryBlossom, detyra kryesore e të cilit ka qenë kompromitimi i rrjeteve Wi-Fi të routerëve dhe AP, të cilët përdoren në shtëpi, kompani dhe vendet publike. CIA nuk ka pasur nevojë që të ketë qasje fizike për të infektuar pajisjen, por e tëra është zhvilluar përmes rrugës së internetit – ekspertët e tyre në routerin e “targetuar” kanë hedhur firmware-n e quajtur FlyTrap dhe në këtë mënyrë e kanë vënë pajisjen nën mbikëqyrje, në mënyrë që pronarët e routerit në asnjë mënyrë të mos mund të dyshojnë se pajisja e tyre është e kompromituar.
E gjithë kjo ka ndodhur qysh nga viti 2007 dhe viktima të sulmit CherryBlossom kanë qenë routerët e prodhuesve të njohur Linksys ose D-Link.
Të dhënat e WikiLeaks zbulojnë se për këtë lloj përgjimi është përdorur protokolli Universal Plug and Play (UPnP), për të cilin ekspertët e sigurisë ka kohë që kanë alarmuar se paraqet rrezik të caktuar.