Presidentja më e re e Perusë, Dina Boluarte, u betua në kabinetin e saj të shtunën mbrëma, vetëm tri ditë pasi u bë gruaja e parë në krye të shtetit. Ajo i kërkoi secilit ministër të zotohet se nuk do të jetë i korruptuar gjatë kohës së shërbimit.
17 ministrat e zgjedhur nga Boluarte, e cila të mërkurën u ngrit nga zëvendëspresidentja për të zëvendësuar Pedro Castillo të rrëzuar si udhëheqës i vendit, do të jenë çelësi për ndezjen ose qetësimin e mëtejshëm të vendit.
Por për të dytën ditë radhazi, mbështetësit e Castillos u përpoqën t'i afroheshin Kongresit dhe të protestonin kundër fajësimit të Castillo, tani të arrestuar. Policia bëri sërish përpjekje për të shpërndarë turmat duke hedhur gaz lotsjellës.
Ligjvënësit votuan 101 për, 6 kundër dhe 10 abstenuan për të shkarkuar Castillo për arsye të "paaftësisë së përhershme morale" për të kryer detyrën.