Ministri i Jashtëm i Turqisë, Mevlut Cavusoglu ka thënë se ka dëgjuar audio incizimet e “neveritshme”, në të cilat supozohet se dëgjohet vrasja e gazetarit saudit, Jamal Khashoggi nga agjentët e Arabisë Saudite në konsullatën e këtij shteti në Stamboll.
Cavusoglu ka thënë për të përditshmen gjermane, Sueddeutsche Zeitung: “E kam dëgjuar. Ai është vrarë brenda shtatë minutave. Ka qenë vrasje e qëllimshme”, transmeton REL.
Ministri turk ka thënë të ketë dëgjuar mjekun e forenzikës duke udhëzuar të tjerët që të dëgjojnë muzikë derisa ai i ka copëtuar trupin.
Cavusoglu ka thënë: “Njëri dëgjohet se është duke e shijuar atë, ka dëshirë të copëtojë trupat. Është e neveritshme”.
Turqia ka thënë se Khashoggi, koluminist i Washington Postit është vrarë muajin e kaluar nga një ekip prej 15 personave që janë dërguar nga Riadi.
Ankaraja insiston se urdhri për vrasjen e gazetarit saudit ka ardhur nga nivelet më të larta të Qeverisë Saudite, por jo nga Mbreti Salman.
-
Në Turqi rinis gjyqi në mungesë për vrasjen e Khashoggit
-
Në Turqi nis procesi gjyqësor për rastin Khashoggi
-
Erdogani kritikon “heshtjen” e SHBA-së për vrasjen e Khashoggit
-
Fjalët e fundit të Khashoggit sipas CNN: Nuk marr dot frymë
-
Arabia Saudite e pranon: Trupi i Khashoggit u copëtua, do të kërkohet dënim me vdekje për të akuzuarit