Një person i armatosur vrau dy fëmijë dhe një punonjëse në një kopsht fëmijësh në Rusi, raportoi AP-ja të mërkurën.
Burri u fut në kopsht, në qytetin Veshkayma dhe qëlloi punonjësen dhe dy fëmijë, 5 dhe 6 vjeç, para se ta qëllonte edhe veten. Ngjarja ndodhi të martën.
Një tjetër punonjës u plagos. Nuk dihet motivi që pati burri për t’i vrarë ata. Sipas autoriteteve lokale, burri nuk kishte asnjë lloj lidhje me ndonjë nga viktimat.
Tatyana Moskalkova që punon për të drejtat e njeriut në Rusi, e identifikoi burrin si një 26-vjeçar të sëmurë mendërisht.
Ai dyshohet se e vodhi armën nga një burrë tjetër, të cilin e vrau po ashtu.
Autoritetet u premtuan familjeve se do t’u paguanin nga 1 milion rubla.
Artikuj të ngjashëm
-
Rusia godet një kënd lojërash, një fëmijë në mesin e të vrarëve
-
Gjashtë persona të vrarë nga sulmi me thikë në kopshtin e fëmijëve në Kinë
-
Katër fëmijë vriten në kopsht nga një person në Brazil
-
Katër të vdekur nga një sulm me armë zjarri në Rusi
-
Tre të vdekur pas një sulmi me thikë në një kopsht fëmijësh në Kinë