Sekretari amerikan i Shtetit amerikan, Antony Blinken, foli me një grup ekspertësh ushtarakë për situatën në Ukrainë dhe gjatë diskutimit ata iu referuan në mënyrë specifike një përpjekjeje të mundshme të Ukrainës për të kthyer Krimenë nën kontrollin e saj.
Sipas revistës Politico, Blinken ka thënë se përpjekja e Ukrainës për të rimarrë Krimenë do të përfaqësonte një vijë të kuqe për presidentin rus Vladimir Putin.
“Presidenti rus e sheh Krimenë si pjesë të Rusisë, jo Ukrainës, dhe do ta urrente ta shihte gadishullin të shkëputur nga kthetrat e tij”, ka thënë Blinken, sipas Politico.
Sipas katër personave të informuar për fjalimin e Blinkenit, ai u transmetoi informacione ekspertëve ushtarakë se Shtetet e Bashkuara nuk po e inkurajonin në mënyrë aktive Ukrainën ta rimarrë Krimenë, por se vendimi për ta bërë këtë i takonte vetëm Kievit.
“Ky vlerësim i bën jehonë komenteve të zyrtarëve të Pentagonit në javët e fundit, të cilët kanë folur për luftime të ashpra që po zhvillohen ende në Ukrainën lindore dhe jugore dhe që kanë vënë në pikëpyetje aftësinë e Ukrainës për të marrë Krimenë në të ardhmen e afërt”, thuhet në deklaratë.
Edhe
Blinken shpreson që ofensiva ukrainase do të detyrojë Putinin të negociojë
Blinken, sipas njerëzve të njohur me fjalimin, dha përshtypjen se SHBA-ja nuk e shihte përpjekjen e Ukrainës për të rimarrë Krimenë si një veprim të mençur.
“Në përgjithësi, mesazhi është se ka shumë pasiguri se si do të zhvillohen gjërat me pyetjen reale në lidhje me kapacitetin e secilës palë për të bërë përfitime të mëdha”, thuhet në raport.
