Familja mbretërore ka humbur besimin e shumë qytetarëve holandezë për shkak të thyerjes së rregullave gjatë krizës së COVID-19 dhe popullariteti i tyre është në nivelin më të ulët të të gjitha kohërave, raportoi televizioni shtetëror NOS.
Vetëm pak më shumë se gjysma e popullsisë, 55 për qind, dëshiron që Holanda të mbetet monarki, sipas rezultateve të një sondazhi nga instituti IPSOS.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoKjo është mbështetja më e ulët për monarkinë që kur mbreti Willem-Alexander mori fronin 10 vjet më parë. Në atë kohë, 78 për qind e të anketuarve mbështesnin monarkinë.
Tani 24 për qind e banorëve duan që Holanda të jetë republikë, nga vetëm 11 për qind një dekadë më parë.
Popullariteti i familjes mbretërore pati rënie kur u zbulua se në vjeshtën e vitit 2020, ata udhëtuan për në rezidencën e tyre verore në Greqi me një avion qeveritar, edhe pse qeveria po u kërkonte të gjithë qytetarëve të qëndronin në shtëpi për të parandaluar përhapjen e COVID-19.
Zemërimi i qytetarëve ishte aq i madh sa Willem-Alexnder dhe Mbretëresha Maxima ndërprenë pushimet dhe i kërkuan falje publikut. Por dëmi ishte bërë.