Kandidati demokrat për president të SHBA-së, Joe Biden është duke prirë në sondazhet në Florida.
Sondazhi i realizuar nga Reuters/Ipsos tregon se Biden ka lënë prapa rivalin e tij Donald Trump në këtë shtet me një diferencë prej katër për qind.
Biden është duke udhëhequr me 50 për qind, derisa Trumpi 46 për qind, transmeton KOHA.
Reuters/Ipsos janë duke bërë sondazhe në gjashtë shtete – Wisconsin, Pennsylvania, Michigan, North Carolina, Florida dhe Arizona, të cilat pritet të kenë rol vendimtar nëse Trumpi do të vazhdojë të mbetet në Shtëpinë e Bardhë, apo Bideni do ta largojë nga aty.
Gjithashtu raportohet se Bideni prin edhe në nivel nacional ndaj Trumpit për 9 për qind.
Sipas sondazheve 51 për qind e votuesve kanë deklaruar se do të votojnë për Bidenin, derisa 42 për qind janë në mbështetje të presidentit aktual të SHBA-së.
-
Situata po përkeqësohet për Bidenin, Trumpi mund ta fitojë garën për president
-
Bideni buzë fitores, merr epërsinë në shtetet vendimtare
-
Bideni prin në katër shtetet kryesore
-
Sipas sondazheve, Biden udhëheq në 3 shtete kryesore, ku Trump fitoi më 2016-n
-
Trumpi e Bideni apelojnë te votuesit në Florida që të dalin në votime