Presidenti amerikan, Joe Biden, ka thënë të enjten se SHBA-ja “nuk do ta presë përgjithmonë” Iranin që t’i ribashkohet marrëveshjes së fjetur bërthamore, një ditë pasi ai shprehu gatishmërinë për përdorimin e forcës si zgjidhje të fundit kundër Tehranit në rast nevoje, raportoi AP-ja.
Bideni foli para mediave pas takimit me kryeministrin izraelit Yair Lapid ku diskutuan programin bërthamor që po e zhvillon shpejtë Irani.
“Ne kemi parashtruar për lidershipin e Iranit atë çfarë ne presim të pranojnë në mënyrë që të kthehemi në JCPOA. Po presim përgjigjen e tyre. Çfarë do të vijë, nuk jam i sigurt”, tha Bideni, duke përdorur shkurtesën për marrëveshjen bërthamore të Iranit.
“Por, ne nuk do të presim përgjithmonë”.
Ringjallja e marrëveshjes bërthamore e ndërmjetësuar nga administrata e Barack Obamas dhe e braktisur nga Donald Trumpi më 2018, ishte prioritet kyç për Bidenin kur ai mori detyrën.
Pas diskutimit mes dy palëve, SHBA-Izrael, lideri izraelit u zotua se “nuk do të ketë Iran bërthamor”.
-
Bideni thotë se ekziston mundësia për marrëveshje Izrael-Iran
-
Bideni mohon raportimet se Izraeli do ta sulmojë sonte Iranin
-
Bideni kundër një sulmi izraelit në vendet e programit bërthamor të Iranit
-
Bideni pret të flasë me Netanyahun për të vendosur mbi përgjigjen ndaj Iranit
-
Hakmarrja e Iranit, Bideni do të mbledhë liderët e G7