Biden: SHBA-ja do të rrisë forcat ushtarake në gjithë Evropën

Presidenti amerikan, Joe Biden, ka njoftuar se SHBA-ka do t’i shtojë forcat ushtarake në gjithë Evropën me më shumë dislokime tokësore, detare dhe ajrore, teksa u mblodh me liderët e NATO-s në një samit dyditor në përgjigje të pushtimit rus të Ukrainës.

Ai njoftoi për vendosjen e një brigade prej 3000 trupash luftarake në Rumani, dy skuadra luftarake F-35 në Mbretërinë e Bashkuar dhe dy anije në Spanjë, raportoi të mërkurën TheGuardian.

“SHBA-ja dhe aleatët e saj do të rriten. Ne po rritemi. Ne po dëshmojmë se NATO-ja është më e nevojshme tani se kurrë më parë”, ka thënë Biden.

Njoftimi i Bidenit pritet të pasohet nga angazhime të mëtejshme nga anëtarët e NATO-s për forcimin e forcave në krahun lindor të aleancës.

Britania pritet ta rrisë angazhimin me një batalion në Estoni me rreth 1000 ushtarë.

Edhe Botë 1 muaj më parë Shefi i Pentagonit njofton një rishikim 6-mujor të forcave amerikane në Evropë

Tetë grupe të NATO-s të shtrira nga Estonia në Bullgari, të dizajnuara fillimisht të vepronin si forca mbrojtëse të vogla, pritet të rriten në nivelin e një brigade me 3000 deri në 5000 trupa.

Bideni ka thënë se SHBA-ja do ta vendosë bazën permanente në Poloni, më shumë trupa do të dërgohen në shtetet baltike dhe më shumë sisteme mbrojtjeje ajrore në Gjermani e Itali.