Komisioni Evropian ka thënë se Bashkimi Evropian do të ketë qasje tri-drejtimëshe, duke përfshirë tarifat shtesë në disa produkte amerikane dhe hapa ligjorë, nëse presidenti amerikan, Donald Trump zbaton njoftimin e tij për vendosjen e tarifave të reja në importet e çelikut dhe aluminit.
BE- e ka bërë një deklaratë të tillë sot, pasi njoftimit të Trumpit se planifikon të vendosë tarifa të reja globale në importet drejt SHBA-së.
Komisionerja evropiane për Tregti, Cecilia Malmstrom, ka thënë se komisioni shpreson ta bindë administratën amerikane se “ky nuk është hapi i duhur”.
“Mirëpo ne e kemi bërë të qartë se nëse fillon zbatimi i një maseje të tillë, do ta dëmtojë Bashkimin Evropian, do të rrezikojë punën e mijëra evropianëve andaj kjo gjë duhet të përballet dhe një përgjigje të ashpër”, ka thënë Malmstrom.
Ajo ka thënë se përgjigja e BE-së për tarifat e propozuara të Trumpit do të ishte ashtu që rasti të dërgohej tek Organizata Botërore e Tregtisë dhe të vendoseshin tarifa shtesë në disa produkte amerikane për të ribalancuar tregtinë.
-
Trumpi kërcënon Evropën me tarifa të tjera
-
BE-ja bën thirrje për dialog pas kërcënimit të Trumpit me tarifë prej 50 për qind
-
BE-ja miraton kundërmasa tregtare ndaj SHBA-së
-
Vendet anëtare të BE-së votojnë sot kundër tarifave të Trumpit
-
BE-ja preferon negociata si zgjidhje për tarifat amerikane, por përgatit kundërmasa