Anëtarët e Parlamentit Evropian pritet t’i nisin bisedimet me shtetet e Bashkimit Evropian, lidhur me krijimin e një ligji që do t’i detyronte kompanitë e internetit të fshinin përmbajtjen terroriste brenda një ore, pasi të informoheshin nga autoritetet.
Më 24 shtator, Komiteti për Liritë Civile i Parlamentit Evropian, përkrahu këtë thirrje, me qëllim që të luftohet më shumë përmbajtja që promovon terrorizmin dhe ka kërkuar mandat që për këtë çështje të diskutojë me ministrat e BE-së, transmeton KTV.
Me këtë ligj, kompanitë e internetit që vazhdimisht nuk e respektojnë atë, mund të dënohen me gjobë prej 4 përqind të të hyrave.
Anëtarët e Parlamentit Evropian synojnë që kompanitë e internetit “Facebook” dhe “YouTube”, që posedojnë përmbajtje të ngarkuara, nuk janë të obliguara që ta identifikojnë përmbajtjen terroriste.
Për këtë shkak, synohet të krijohet një platformë monitoruese që do të raportonte te autoritetet e shteteve evropiane.
