Katër kamionë që transportonin ndihma humanitare u dërguan nga rajoni Aghdam i Azerbajxhanit të premten në Nagorno-Karabakh, ka njoftuar Ministria e Situatave të Emergjencave të Azerbajxhanit.
Dërgesat vijnë dy ditë pasi qeveria separatiste armene e rajonit thirri një armëpushim në një luftë të shkurtër, por intensive me forcat azere.
Produktet ushqimore dhe higjienike do të shpërndahen përgjatë rrugës Aghdam-Khankendi, e cila tashmë është në funksion dhe do të shpërndahen mes popullatës.
120 mijë banorët e Nagorno-Karabakut kanë vuajtur nga mungesa të rënda ushqimore dhe ilaçesh që nga fundi i vitit të kaluar kur filloi një bllokadë e rrugës që lidh rajonin me Armeninë.