Policia në Nikaragua ka arrestuar pesë figura tjera të shquara të opozitës, në atë që kritikët thonë se është shtypje ndaj kundërshtarëve të Daniel Ortegas.
Në mesin e atyre janë edhe ish-shokë të cilët luftuan me Ortegan kundër diktatorit Anastasio Somoza në vitet 1970-ta, raporton BBC.
Sipas Policisë ata kishin nxitur ndërhyrje nga jashtë në punët e Nikaraguas.
Numri total i figurave opozitare të arrestuara në Nikaragua në ditët e fundit ka arritur në 12. Në mesin e atyre janë katër kandidatë për zgjedhjet presidenciale në nëntor.
Policia ka thënë se të arrestuarit të dielën janë të gjithë anëtarë të partisë Unamos, që përbëhet kryesisht nga anëtarë që u larguan nga Fronti Çlirimtar Kombëtar Sandiniksa i Ortegas (FSLN).
Mes tyre është edhe ish-ministrja e Shëndetësisë, Dora Tellez dhe gjenerali në pension Hugo Torres.
SHBA-ja në fillim të këtij muaji e quajti Ortegan diktator.
75-vjeçari po kërkon një mandat të katërt në krye të Nikaraguas në zgjedhjet e nëntorit. Por sondazhet sugjerojnë se popullariteti i tij ka rënë pas shtypjeve të dhunshme të protestave antiqeveritare në vitin 2017, në të cilat u vranë qindra persona.