Arabia Saudite ka ekzekutuar të shtunën 81 persona të dënuar për një sërë krimesh, duke përfshirë vrasjet dhe që i përkisnin grupeve militante.
Ky është ekzekutimi më i madh masiv i kryer nga mbretëria, viteve të fundit.
Agjencia shtetërore saudite e Shtypit njoftoi ekzekutimet, duke thënë se ato përfshinin "të dënuar për krime të ndryshme, duke përfshirë vrasjen e burrave, grave dhe fëmijëve të pafajshëm".
Mbretëria ka bërë të ditur gjithashtu se disa nga të ekzekutuarit ishin anëtarë të al-Kaidës, grupit të Shtetit Islamik dhe mbështetës të rebelëve Houthi të Jemenit.
“Të akuzuarve u është dhënë e drejta për një avokat dhe u janë garantuar të drejtat e tyre të plota sipas ligjit saudit gjatë procesit gjyqësor, i cili i shpalli ata fajtorë për kryerjen e krimeve të shumta të tmerrshme, që lanë të vdekur një numër të madh civilësh dhe oficerësh të zbatimit të ligjit”, u bë e ditur nga kjo agjenci.
Edhe
Kritika ndaj Arabisë Saudite për rritjen e numrit të dënimeve me vdekje
Ekzekutimi i fundit masiv i mbretërisë ka ndodhur në janar të vitit 2016, kur mbretëria ekzekutoi 47 persona, duke përfshirë një klerik të shquar shiit të opozitës, i cili kishte mbledhur demonstrata në mbretëri.
Në vitin 2019, mbretëria u preu kokën 37 qytetarëve sauditë, shumica e të cilëve shiitë pakicë, në një ekzekutim masiv në të gjithë vendin për krime të dyshuara të lidhura me terrorizmin.
