Autoritetet e Arabisë Saudite kanë hedhur poshtë rezolutën e Senatit amerikan, në të cilën princi i kurorës të Arabisë Saudite, Muhammed bin Salman, akuzohet për vrasjen e gazetarit Jamal Khashoggi.
Senati, të enjten, miratoi rezolutën që kërkonte t'i jepet fund ndihmës amerikane për forcat e koalicionit saudit në Jemen.
Sipas sauditëve, rezoluta paraqet ndërhyrjen e Senatit në punët e brendshme të Arabisë Saudite dhe rrezikon rolin rajonal dhe global të Mbretërisë saudite.
Khashoggi, gazetar dhe kolumnist i "The Washington Post", u vra më 2 tetor në Konsullatën Saudite në Stamboll. Prokuroria turke konstatoi se ai u mbyt, pasi hyri në konsullatë dhe se trupi i tij u copëtua.
Hetimi i çështjes është ende në vazhdim me theks në kërkimin e mbetjeve të Khashoggit.
Sipas Agjencisë amerikane të inteligjencës, urdhrin për vrasjen e Khashoggit e ka dhënë princi i kurorës saudite, Muhammed bin Salman.
-
Senati amerikan shpall Bin Salmanin fajtor per vrasjen e gazetarit Khashoggi
-
Senatorët amerikanë hartojnë rezolutë për rastin Khashoggi
-
SHBA-ja thotë se lideri saudit që akuzohet se dha urdhër për vrasjen e gazetarit, ka imunitet
-
E fejuara e gazetarit Khashoggi kërkon ndëshkimin e princit saudit
-
Raporti i SHBA-së: Princi saudit e autorizoi vrasjen e Khashoggit