Grupi Anonymus ka filluar një seri sulmesh në faqet e internetit të qeverisë serbe. Sipas një postimi në Twitter të këtij grupi, sulmet po kryhen në “përmasa të plota” si pjesë e fushatës “#OpSerbia”.
Anonymus njoftuan se më shumë se 40 uebfaqe serbe janë rrëzuar nga sistemi në 72 orët e fundit.
Para disa ditësh ata njoftuan se ka nisur “Operacioni Serbia”, qëllimi i të cilit është lufta kibernetike kundër qeverisë serbe. Grupi Anonymous njoftoi se arsyeja e sulmit ishte refuzimi i Serbisë për të dënuar agresionin kundër Ukrainës, si dhe dështimi për të vendosur sanksione ndaj Rusisë.
Fushata “#OpSerbia” është një tjetër në serinë e udhëhequr nga ky grup joformal shtetesh që ata besojnë se kërcënojnë të drejtat dhe liritë e qytetarëve të tyre. Më parë, fushata të ngjashme u zhvilluan kundër qeverive të Kinës, Iranit dhe Rusisë.
Ministria e Punëve të Brendshme të Serbisë njoftoi se faqja e internetit dhe infrastruktura e Ministrisë së Punëve të Brendshme janë nën sulme të vazhdueshme dhe masive DDoS.
-
Ekspertët paralajmërojnë vijim sulmesh kibernetike nga Serbia e Rusia
-
Anonymous njofton hapje të sezonit ndaj serverëve të qeverisë ruse
-
Hakohen bankat dhe organet qeveritare ukrainase
-
“Trainkosi” thotë se po përballet me sulme kibernetike të jashtme
-
Hakerët rusë sulmuan faqet e institucioneve të Kosovës