Ministria e Punëve të Jashtme e Nigerit ka urdhëruar ambasadorin francez, Sylvain Itte, që të largohet nga shteti brenda 48 orëve, duke e akuzuar se ka injoruar ftesën për takim me ministrin.
Ambasadori francez është akuzuar edhe për veprime të Qeverisë franceze që nuk përkojnë me interesin e Nigerit.
Para se të organizohej grusht shteti për rrëzimin e presidentit demokratik, Mohamed Bazoum, Nigeri, ish-koloni franceze, konsiderohej si partneri kryesor i perëndimit në luftën kundër xhihadistëve në rajonin e Sahelit.
Pak ditë pas grusht shtetit, Ambasada franceze në Niamey ishte sulmuar.
Liderët ushtarakë të grusht shtetit kanë kërkuar ndihmë nga mercenarët e “Wagnerit” për t’i ndalur sulmet ekstremiste në Niger.
Edhe
Rritet pakënaqësia ndaj francezëve në Afrikë
Javë më parë, shtetet e Afrikës Perëndimore kërcënuan Juntën me ndërhyrje ushtarake në rast se nuk e kthejnë presidentin në postin e vet.
Junta po e mban atë në arrest shtëpiak dhe shpesh ka kërcënuar edhe me vrasjen e tij.
