Ambasada amerikane në Ukrainë e quajti sulmin rus mbi Kiev të turpshëm dhe të dëshpëruar.
Në reagimin e publikuar në Twitter të hënën, Ambasada shkroi se është për t’u admiruar forca dhe qëndrueshmëria e popullit ukrainas.
“Një tjetër sulm i dëshpëruar dhe i turpshëm nga Rusia këtë mëngjes kundër civilëve dhe infrastrukturës civile. Ne admirojmë forcën dhe qëndrueshmërinë e popullit ukrainas. Ne do të jemi me ju për aq kohë sa ju duhet”, thuhet në njoftim.
Të paktën tre persona u vranë në sulmet ruse mbi Kiev mëngjesin e së hënës. Sulmi sipas autoriteteve u krye me dronë kamikazë.
Disa objekte banimi u dëmtuan, derisa në vendngjarje dolën ekipet e zjarrfikësve dhe të kërkim-shpëtimit.
Artikuj të ngjashëm