Aeroporti i Heathrwoit ka kryer prova të një testi për koronavirus i cili pretendon të japë rezultate brenda më pak se 30 sekondave, me shpresën e kontrollit të pasagjerëve dhe shpëtimin e disave nga karantina.
Rreth 250 persona të stafit të aeroportit morën pjesë në testim, duke zgjedhur një nga tre testet e ndryshme, të cilët duhet të testohen ende nëse janë efektivë, shkruan The Independent, transmeton KOHA.
Testi mund të zbulojë nëse një person ka simptoma të COVID-19 dhe mund të ofrojë rezultate në më pak se gjysmë minute. Ndërkaq dy testet tjera eksperimentale japin rezultat në 10 dhe 30 minuta.
Shefat e Heathrowit janë duke ekzaminuar të gjeturat e testimit dhe do t’i ndajnë ato me ministrat në mënyrë që të rritet përsëri numri i pasagjerëve.
Aktualisht, udhëtarët e ardhur nga Franca, Malta, Monaco, Holanda dhe Zvicra duhet të izolohen për 14 ditë nëse kanë udhëtuar në Britani.
Industria e aviacionit po ndjek kufizimet, të cilat udhëheqësit besojnë se po pengojnë shumë njerëz të bëjnë pushime në vende të huaja.
-
Nisin testimet e para për koronavirus në Aeroportin Heathrow të Londrës
-
Shkencëtarët kinezë prezantojnë test të ri për koronavirus
-
Singapori aprovon një test për COVID-19 me anë të frymës i cili jep rezultatin për një minutë
-
Në Holandë qytetarët u mundësohet të vetëtestohen
-
Shpikësi zbulon një metodë të re testimi për COVID-19, u kërkon njerëzve të bërtasin