Botë

Marrëveshja Maqedoni-Greqi, një faqe e re bashkëpunimi në Ballkan

Marrëveshja Maqedoni-Greqi, një faqe e re bashkëpunimi në Ballkan
Foto: Reuters

Marrëveshja e arritur mes Maqedonisë dhe Greqinë, për ndryshimin e emrit në “Republika e Maqedonisë së Veriut”, paraqet një bazament shumë të shëndoshë për t'i dhënë fund kontestit dy dekadësh, mes dy vendeve fqinje, thonë njohësit e marrëdhënieve ndërkombëtare duke shtuar se kjo marrëveshje përpos që hap perspektiva për të ardhmen e shtetit me rëndësi të veçantë është se nuk preket identiteti i maqedonasve.

Lëshimi që ka bërë pala maqedonase rreth kërkesës greke për të ndryshuar Kushtetutën e shtetit, ekspertët e shohin si zgjidhje më optimale që mund të arrihej, sepse ky lëshim i mundëson Maqedonisë të integrohet në NATO dhe BE.