Botë

Steinmeier porosit Erdoganin: Mos shkatërro ato që janë ndërtuar me vite

 

Presidenti gjerman Frank-Walter Steinmeier i tërhoqi vërejtjen të mërkurën, në fjalimin e parë si president, homologut të tij turk Reccep Tayyip Erdogan se po rrezikon të shkatërrojë gjithçka që vendi i tij ka arritur viteve të fundit.

Ndërmjet Turqisë dhe Gjermanisë, por edhe me disa vende tjera evropiane, ekziston një ndarje për shkak të dëshirave të autoriteteve turke që të mbajnë mitingje me qëllim të marrjes së mbështetjes nga diaspora për referendumin në Turqi, i caktuar më 16 prill, në të cilin Erdogan dëshiron të zgjerojë kompetencat e tij.