Një zjarr në një fabrikë fishekzjarrësh në Indinë qendrore ka marrë jetën e gjashtë personave dhe ka lënduar 40 të tjerë. Si pasojë e zjarrit janë shkaktuar edhe shpërthime të tjera, thanë zyrtarët.
Videot në mediat sociale shfaqnin tym e flakë që dilnin nga fabrika gjersa njerëzit iknin nga zona.
Shkaku i zjarrit në Harda nuk ishte menjëherë i qartë.
Në Indi ka kërkesë të madhe për fishekzjarrë, të cilat përdoren në festa fetare dhe dasma.
Aksidentet fatale ndodhin pothuajse çdo vit pasi njerëzit punojnë në fabrika të improvizuara pa masat e duhura të sigurisë.
Edhe
Të paktën 21 të vdekur nga zjarri në një hotel në New Delhi
Një shpërthim në një fabrikë fishekzjarrësh në Indinë jugore korrikun e kaluar la të vdekur tetë persona.
E në vitin 2018, një zjarr masiv në një fabrikë fishekzjarrësh në Nju Delhi shkaktoi vdekjen e 17 punëtorëve.
