Pesë persona kanë humbur jetën dhe dhjetëra të tjerë janë lënduar në një aksident komunikacioni në shtetin federal amerikan Pensilvania.
Rreth 60 njerëz u transportuan në spitalet e zonës pas aksidentit, i cili ndodhi sot në Mount Pleasant Township, në lindje të Pittsburghut, njoftoi policia lokale.
Për momentin nuk dihen shkaqet e aksidentit në të cilin u përfshinë dy kamionë me rimorkio, një autobus turistësh dhe një automjet pasagjerësh, por autoritetet dyshojnë se kjo mund të jetë si pasojë e kushteve atmosferike.
Të dhënat e Shërbimit Kombëtar të Motit thonë se ka pasur reshje të lehta dhe temperatura nën zero gjatë natës.
Një shtrirje prej 86 kilometrash të autostradës u mbyll nga daljet në New Stanton (Dalja 75) deri në Breezewood (Dalja 161).
Autostrada përreth ka të ngjarë të jetë e mbyllur për pjesën më të madhe të ditës, dhe korsia e kundërt ishte e mbyllur për të hyrë në vendin e aksidentit./ksp
-
Të paktën shtatë të vdekur nga përplasja e një aeroplani në SHBA
-
Pesë të vdekur nga një tërmet me magnitudë 5.5 në Peru
-
Aksident mes disa automjeteve afër pikës në Vërmicë, tetë të lënduar
-
Dy të vdekur dhe 15 të lënduar nga aksidenti i autobusit në autostradën Durrës-Tiranë
-
Tetë të vdekur pas rrëzimit të një avioni ushtarak amerikan