Botë

SHBA-ja dhe Koreja e Jugut nisin stërvitjen e madhe ushtarake

Descriptive Text

Koreja e Jugut dhe Shtetet e Bashkuara të hënën nisën stërvitjet e mëdha ushtarake për të rritur gatishmërinë e tyre ndaj kërcënimeve bërthamore nga Koreja e Veriut. Stërvitjet vjetore ushtarake po mbahen në kohën kur Koreja e Veriut po vazhdon me testime raketore dhe me ashpërsim të retorikës.

Forcat jugkoreane dhe ato amerikane do të zhvillojnë ushtrime të ndryshme në kuadër të stërvitjes “Mburoja e Lirisë” që do të zgjasë 11 ditë, njoftoi Ministria e Mbrojtjes e Koresë së Jugut. Koreja e Veriut ende nuk është përgjigjur për këtë veprim, e në të kaluarën i ka cilësuar si stërvitje për pushtim.

Veriu ka kryer testime provokuese të armëve në të kaluarën si kundërpërgjigje të stërvitjeve të përbashkëta ushtarake të SHBA-së dhe Koresë së Jugut.