Botë

Shoferi përplas 17 këmbësorë me veturë në Poloni

Descriptive Text

Në qendër të Szczecinit në Poloni, një shofer ka përplasur me veturë një grup këmbësorësh dhe më pas është larguar nga vendi i aksidentit.

“Një veturë me shpejtësi goditi një grup njerëzish që kalonin vendkalimin e këmbësorëve”, ka thënë Tomasz Kubiak, përfaqësues i Shërbimit Shtetëror të Zjarrfikësve Szczecin, për TVN24 polake.

Nga aksidenti janë lënduar 17 persona, ndërsa dy prej tyre janë në gjendje kritike për jetën.

Autori është larguar nga vendi i ngjarjes, por pas disa kohësh është arrestuar, sipas TVN23.

Është konfirmuar se është një 33-vjeçar.

Kubiak shtoi se i dyshuari goditi katër vetura të tjera ndërsa po largohej nga vendi i ngjarjes.