Trazira dhe mjerim, zemërim dhe ankth.
Nuk ka kaluar as një javë që kur shpërtheu lufta në Izrael dhe Gazën fqinje. Por në të dy anët e kufirit shumë të fortifikuar, dhimbja dhe frika e luftës janë të thella. Kjo është e dukshme në momentet e para që sheh përmes kaosit.
Në Tel Aviv, një grua e re, e vetme në errësirë, struket për të ndezur një nga dhjetëra qirinj në kujtim të izraelitëve të vrarë nga sulmi i befasishëm nga militantët e Hamasit. Në Gaza, mjekët përkulen mbi një burrë gjysmë të zhytur në rrënojat e një ndërtese të goditur nga raketat e panumërta izraelite që ndëshkojnë vendin.
Teksa sirenat paralajmërojnë për një sulm tjetër raketor, një baba izraelit mbështjell djalin e vogël në krah dhe ulet në baltë. Me paralajmërimin e ushtrisë izraelite që palestinezët të evakuojnë veriun e Gazës, automjetet e mbushura me banorë të frikësuar dynden përmes trafikut në kërkim të strehimit, shkroi Associated Press.
Mëngjesin e hershëm të së shtunës së 7 tetorit, militantët e Hamasit me bazë në Rripin e Gazës u shfaqën në Izrael për të nisur një sulm i cili Izraelit i erdhi befasishëm. Nga sulmi mbetën të vrarë më shumë se 1,300 njerëz në Izrael, me kundërsulmet izraelite që vranë më shumë se 1,530 njerëz në Gaza. Izraeli thotë se rreth 1,500 militantë të Hamasit u vranë brenda vendit.
{gallery}
