Arrestohet 14-vjeçari pas vrasjes së katër personave në Tajlandë

Një 14-vjeçar është arrestuar të martën në Tajlandë pas të shtënave në një qendër tregtare luksoze në kryeqytet, ku mbetën të vdekur të paktën dy persona dhe pesë të tjerë të plagosur, raportoi CNN-i.

I dyshuari, i cili raportohet të ketë probleme me shëndetin mendor, është dërguar në një spital në Bangkok pas marrjes në pyetje nga policia.

Të shtënat kanë ndodhur rreth orës 17:00. sipas kohës lokale në qendrën tregtare Siam Paragon.

Njëra nga viktimat është shtetase kineze dhe tjetra shtetas i Mianmarit, kanë njoftuar autoritetet.

Më tej bëhet e ditur se i dyshuari është vetëdorëzuar dhe se kishte ende municion kur është kapur nga policia.

Tre persona janë vrarë në një qendër tregtare në Bangkok të Tajlandës.

Katër të tjerë janë lënduar nga incidenti, duke përfshirë edhe një shtetas të huaj.

Një i dyshuar 14-vjeçar është arrestuar pasi është dorëzuar. Ai ishte duke bartur një armë, ka thënë Policia.

Kryeministri ka thënë se situata është marrë nën kontroll dhe Policia po heton vendin e ngjarjes, shkruan BBC.

Pamje nga mediat sociale tregojnë njerëzit teksa vrapojnë në qendër, të cilët më pas janë evakuuar shumë shpejtë dhe janë mbyllur dyert.

Stacioni i metrosë afër Siamit ishte gjithashtu i mbyllur.

Dëshmitarët thanë se ata ishin fshehur brenda dyqaneve dhe tualeteve.

© KOHA. Të gjitha të drejtat janë të rezervuara.