Botë

Hollande pro rikandidimit të Tusk në krye të Këshillit Evropian

François Hollande parashikon një rikandidim të polakut Donald Tusk në krye të Këshillit Evropian, pavarësisht qëndrimit kundër të partisë konservatore nacionaliste në pushtet në Poloni, në një intervistë për disa gazeta evropiane, publikuar sot përpara një mini-samiti evropian në Versajë.

“Unë mbështes kandidaturën e Donald Tusk”, u shpreh kreu i shtetit francez i cili vlerësoi në këtë mënyrë se nuk kishte arsye të vihej në diskutim si çështje, edhe pse në kushtet e ekuilibrave politikë do të ishte radha e një socialisti.