Botë

Kufizohet dënimi me vdekje për trafik droge në Iran

Parlamenti iranian miratoi sot një amendament që kufizonte zbatimin e dënimit me vdekje lidhur me çështje të trafikut të drogës, një gjest që mund t’u shpëtojë jetën një numri të madh të dënuarish.

Ky amendament, për të cilin pritet edhe vendimi i Këshillit të Gardianëve të Kushtetutës, një instancë e dominuar nga konservatorët, në fakt do të ketë fuqi prapavepruese, bën të ditur Parlamenti iranian në faqen e tij të internetit. Një pjesë prej 5.300 të burgosurish, aktualisht të dënuar me vdekje për trafik droge, mund të bëhen objekt i një ndryshimi vendimi.