Diplomatët rusë kanë refuzuar të paguajnë qindra gjoba të tejkalimit të shpejtësisë, parkimit dhe trafikut që datojnë më shumë se 15 vjet më parë, duke irrituar zyrtarët australianë të cilët mund të kërkojnë vetëm me mirësjellje që të respektojnë ligjet lokale.
Dokumentet zyrtare tregojnë se Departamenti për Punë të Jashtme po kërkon gati 90,000 dollarë nga Ambasada ruse për gjoba që datojnë nga viti 2007.
Shefi i protokollit në departament, Ian McConville, i shkroi ambasadorit rus Alexey Pavlovsky më 2022 duke i kërkuar me mirësjellje që të paguajë gjobat, raportoi Guardian.
Zyrtarët e huaj kanë imunitet diplomatik në Australi dhe nuk mund të dërgohen në gjykatë për shkelje në trafik apo gjoba. Por autoritetet rrugore mund të vënë pikë negative ose të suspendojnë licencat.
McConville i shkroi edhe ambasadorëve të Qipros, Kinës, Indonezisë, Iranit, Izraelit, Malajzisë, Nepalit, Nigerisë, Pakistanit, Jordanisë, Rumanisë, Arabisë Saudite, Spanjës, SHBA-së, Venezuelës, Zimbabëes, Sudanit, Tajvanit, Tongas, Emirateve të Bashkuara Arabe, Afganistanit, Algjerisë, Bhutanit dhe Mbretërisë së Bashkuar.
