Prokurorët në Meksikë kanë thënë se gjashtë gra që u zhdukën më 7 mars, janë vranë dhe trupat e tyre janë djegur nga një bandë burrash të armatosur.
Është një nga vrasjet më të mëdha kolektive të një grupi grash në vitet e fundit në Meksikë.
Gratë u zhdukën në fillim të këtij muaji në një rrugë pranë qytetit Celaya. Të afërmit kishin shpresuar se mund të gjendeshin të gjallë.
Por prokurori i shtetit Carlos Zamarripa tha se ekspertët kishin gjetur mbetje skeletore "pothuajse plotësisht të djegura" në bastisjet në disa prona. Sasia e copave të kockave të gjetura, tha ai, ishin "qindra" – që sugjeron që trupat e grave u dogjën dhe kockat ishin grimcuar dhe shpërndarë, një taktikë e zakonshme e kartelit të drogës.
Ai tha se motivi i vrasjes ishte ende nën hetim, raportoi AP.
Zamarripa ka shtuar se 14 burra janë arrestuar në lidhje me vrasjet.
