Botë

Shpëtohet një 2-vjeçar pas 78 orësh nën rrënoja

Ekipet e shpëtimit në Hatay kanë arritur ta nxjerrin të gjallë nga rrënojat një 2-vjeçar pas 78 orësh nga tërmeti.

Pas tërmetit që shkaktoi shkatërrim në 10 provinca të Turqisë, ekipet po vazhdojnë kërkim-shpëtimin. Duke punuar në një ndërtesë dikur 4-katëshe, ata nxorën fëmijën.

Fëmija nga ekipi i shpëtimit është dorëzuar te ekipi mjekësor, raportoi CNNTurk.

Nuk ka informacione për familjen e tij, nëse kanë mbetur nën rrënoja apo nëse dikush ishte jashtë duke e pritur fëmijën.

Pasoja shkatërruese ka përjetuar edhe Siria nga ku janë raportuar mijëra të vdekur.